வணக்கம். படைப்பு ‘தகவு’ அறுபத்திநான்காவது இதழ் உங்கள் கண்முன் பரந்து விரிந்திருக்கிறது.

படைப்புக் குழுமத்தின் இலக்கிய விருதுகளுக்காகத் தேர்வு பெற்ற நூல்களின் பட்டியல் இவ்இதழில் வெளியாகியுள்ளது. மேலும் தனித்துவமிக்க வாழ்நாள் சாதனையாளர் விருது, படைப்புச் சுடர் விருது, இலக்கியச் சுடர் விருதுகளுக்கு உரியோர் குறித்தும் இவ்இதழில் வெளியாகியுள்ளது.

இசங்கள் குறித்த அறிதலை உண்டாக்கும்வண்ணம் படைப்பாளர் அமிர்தம் சூர்யா எழுதும் தொடர் இவ்இதழ் முதல் வெளியாகிறது. கவிஞர் கவிமுகில் குறித்த மு.முருகேஷின் கட்டுரை, ஹெரிடிட்டரி திரைப்படம் குறித்த கவிஜியின் பார்வை, மதம் குறித்த அலசலை மேற்கொள்ளும் ஆதிரனின் வானவில் வண்ண மின்னல், மனைவிக்குக் காதல் கடிதம் எழுதும் முயற்சியை ரசனையாகச் சொல்லும் வெயிலோடு விளையாடி, காலத்திற்கேற்ற மிஸ் யூ செல்லம் பாடல் எழுதிய ஏகாதசியின் அனுபவம், டப்ளின் சுடுகாட்டில் பிறந்தநாள் கொண்டாடிய இந்திரனின் கட்டுரை என இவ்இதழின் பகுதிகள் அமைந்துள்ளன. அம்மையார் ஹைநூன்பீவி நினைவு சிறுகதைப் பரிசுப்போட்டியில் சிறப்புப் பரிசு பெற்றிருக்கிற சிறுகதைகள் `செல்லாக்காசு`, மற்றும் `சிவப்பு சேலைக்காரி` இவ்இதழில் வெளியாகியுள்ளன.

கவிதைகள், கட்டுரைகள், தொடர்கள், அனுபவங்கள் என நிறைந்திருக்கும் இந்த மாதத் தகவின் அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.