மரபு நவீனம் என்ற இலக்கியத்தின் இரு தரிசனங்களுக்கும் இடையே உள்ள ஒரு ஒற்றுமை என்னவென்றால், அவை இரண்டும் மனிதனின் இக்கட்டான நிலையை வெளிப்படுத்த முயல்கின்ற ஒரு கட்டமைப்பு. இலக்கியத்தின் இவ்விரு வடிவங்களிலும் ஒப்பிடுவதற்கான மற்றொரு முக்கியமான புள்ளி மனித நடவடிக்கை மற்றும் அதற்குள் இருக்கும் சிக்கலான வாழ்வியல் பற்றிய விசாரணை ஆகும். இரண்டு காலகட்டங்களிலிருந்தும் உண்மையிலேயே சிறந்த இலக்கியம் மனித நடவடிக்கை மற்றும் அதைத் தொடங்கும் பல காரணிகள் பற்றிய ஒரு பரவலான பார்வையை வழங்குகிறது. நவீன இலக்கியத்திற்கும்,  பாரம்பரிய மரபிலக்கியத்திற்கும் இடையிலிருப்பது, பிரதிநிதித்துவத்தின் அடிப்படையை உள்ளடக்கிய சித்தாந்தமும் சிந்தனையும், அதன் பின்னணியில் வைக்கப்படும் வாழ்வியல் முறையும் கோட்பாடுகளுமேயாகும். மரபிலக்கியத்தில் உள்ள பாத்திரங்கள் பொதுவாக எளிமையானவை. அவை சிக்கலானத் தன்மை வளைவுகள் இல்லாமல் வழங்கப்படுகின்றன. எனவே அவற்றின் நோக்கம் எளிதில் அடையாளம் காணப்படுகிறது. இதன் காரணமாக, நல்லது மற்றும் தீமை போன்ற கருப்பொருள்கள் தீர்மானிக்க எளிதானது. மேலும் அந்த எளிமையின் அடிப்படையில் எந்தத் தேர்வை எடுக்க வேண்டும் என்பது தெளிவாக்கப்படுகிறது. மாறாக, நவீன அமைப்பில் வெவ்வேறு அனுபவங்களிலிருந்து வெவ்வேறு குரல்களை உள்ளடக்கியதாக இலக்கியம் விரிவுபடுத்தப்படுகிறது. மேலும் உத்வேகம் அளிக்கும் உரைகளுக்கு இடையேயான சக்திகளைக்கொண்டு பன்முகத்தன்மையுடன் இயங்குகிறது. அப்படியான இருவேறு காலகட்ட இலக்கியங்களை உலகளாவிய முறையீட்டை உள்ளடக்கி  வாசிக்க ஏதுவாக உருவாக்கப்பட்டிருப்பதே “தமிழ்க்கவிதை மரபு நவீனம்” நூல்.

 தென்காசியை வசிப்பிடமாகவும் நம்பிராஜன் எனும் இயற்பெயர் கொண்டவருமான படைப்பாளி விக்ரமாதித்யன் அவர்கள் இதுவரை 40க்கும் மேற்பட்ட நூல்கள் வெளியிட்டு இருக்கிறார். அதில் ஏற்கனவே பதிப்பித்த இந்த நூலை நம் படைப்பு பதிப்பகம் மூலம் மறுபதிப்பு செய்திருக்கிறோம் என்பது குறிப்பிடத்தக்கது. மேலும் 2008ஆம் ஆண்டின் ‘விளக்கு இலக்கிய விருது’, 2014ஆம் ஆண்டிற்கான ‘சாரல் விருது’, ‘கவிஞர் வாலி விருது’, 2019ஆம் ஆண்டுக்கான படைப்புக் குழுமத்தின் ‘வாழ்நாள் சாதனையாளர் விருது’ மற்றும் 2021ஆம் ஆண்டின் விஷ்ணுபுரம் விருது ஆகியவற்றைப் பெற்றுள்ளார்.