வணக்கம். படைப்பு ‘தகவு’ ஐம்பத்தைந்தாவது இதழ் உங்கள் கண்முன் பரந்து விரிந்திருக்கிறது.

இம்மாத இதழில் படைப்பு ஏழாம் ஆண்டு விழாவின் கட்டுரைத் தொடர்ச்சி வெளிவந்துள்ளது. சமகால நவீனத் தமிழ்க் கவிச்சூழலில் காத்திரமான தனித்துவமிக்க கவிதைகளை எழுதிவரும் கவிஞர் வெய்யிலின் நேர்காணல் இடம்பெற்றுள்ளது. ஈழத் தமிழ் இலக்கியம் தொடர்பாக ஷோபா சக்தி, வ.ஐ.ச.ஜெயபாலன் இருவரது நூல்கள் குறித்த வாசிப்பனுபவங்கள் கட்டுரைகளாக உள்ளன. போரின் வலியைச் சொல்லும் ஜெர்மன் மொழித் திரைப்படத்தின் கதைக்களன் விரிவாக விவாதிக்கப்பட்டுள்ளது. பெண்ணிய நோக்கில் உறுபசி நாவலை ஆராய்ந்த திறனாய்வுக் கட்டுரையின் இறுதிப்பகுதி வெளியாகியுள்ளது. கவிஞர் ஆரூர் தமிழ்நாடன் நூல் குறித்த விமர்சனம், கவிஞர் பாலா குறித்த விரிவான கட்டுரை ஆகியன இவ்இதழில் இடம்பெற்றுள்ளன.

இந்த மாதத் தகவின் நேர்காணல், கட்டுரைகள், சிறுகதைகள், கவிதைகள், தொடர்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.