வணக்கம். படைப்பு ‘தகவு’ ஐம்பத்துமூன்றாவது இதழ் உங்கள் கண்முன் பரந்து விரிந்திருக்கிறது.
கலை மனதிற்குக் கைத்தட்டல்களும் பாராட்டுகளும்தான் உற்சாகமும் உத்வேகமும் ஊக்கமும் தரும் என்பதை உணர்ந்து சிறந்த இலக்கியப் படைப்புகளுக்குப் பரிசுகளும் விருதுகளும் அளித்து அங்கீகாரமளிப்பதைத் தன் தலையாய கடமையாகச் செய்துவருகிறது படைப்புக் குழுமம். வருடந்தோறும் மிகத் தகுதியான படைப்பாளர்களுக்கு இலக்கிய விருதுகள் அளித்து மகிழ்ந்துவரும் படைப்புக் குழுமத்தின் ‘படைப்பு இலக்கிய விருதுகள் 2022’ மகிழ்ச்சியுடன் அறிவிக்கப்படுகின்றன. 2021ஆம் ஆண்டு வெளிவந்த சிறந்த நூல்களுக்காக இவ்விருதுகள் வழங்கப்படுகின்றன. கவிதை, நாவல், சிறுகதை, கட்டுரை, சிறார் இலக்கியம், மொழிபெயர்ப்பு இலக்கியம் என்ற வகைமைகளில் விருதுகள் அறிவிக்கப்பட்டுள்ளன.
கவிஞர் நேசமித்ரனுடனான நேர்காணல் இவ்இதழில் இடம்பெற்றுள்ளது. மேலும் கட்டுரைகள், சிறுகதைகள், கவிதைகள், தொடர்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.
