படைப்பு ‘தகவு’ நாற்பத்தெட்டாம் இதழ் உங்கள் கண்முன் பரந்து விரிந்திருக்கிறது.

தமிழின் தலைசிறந்த கவிஞரான கவிக்கோ அப்துல்ரகுமான் நினைவாக `கவிக்கோ பிறந்தநாள் பரிசுப்போட்டி` எனக் கவிதைப் போட்டியினைப் படைப்பு குழுமம் நடத்திவருகிறது. 2021இல் `ஆறாம் விரல்` என்ற தலைப்பில் கவிதைப் போட்டி அறிவிக்கப்பட்டது. கவிஞர்கள் பலரும் படைப்பு இணையதளத்தில் கவிதைகளைப் பதிவேற்றம் செய்தனர்.  கவிப்பேரரசு வைரமுத்து நடுவராகப் பொறுப்பேற்றுச் சிறந்த கவிதைகளைத் தேர்ந்தெடுத்தார். பரிசு பெற்ற கவிதைகள் சான்றிதழுடன் இவ்விதழில் வெளியாகியுள்ளன.

சமகாலத்தின் குறிப்பிடத்தக்க படைப்பாளராக விளங்குபவர் வேல ராமமூர்த்தி. தன் சமூகம் குறித்த உக்கிரமான படைப்புகளைப் படைத்தவர். ஒரு இனக்குழுவின் வரலாற்றை எழுதுவதற்குச் சமானமாகத் தன் இலக்கியங்களை உருவாக்கியுள்ளவர். இயற்றமிழுக்கான பெரும் பங்களிப்புடன் திரைப்படக் கலைஞராகவும் சிறந்து விளங்குகிறார். மண் மணக்கும் படைப்பாளர் வேல ராமமூர்த்தியுடனான ஒரு நேர்காணல் இந்த இதழில் இடம்பெற்றுள்ளது.

மேலும் இம்மாதத் தகவில் வெளியாகியுள்ள கட்டுரைகள், சிறுகதைகள், கவிதைகள், தொடர்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.