வணக்கம். படைப்பு ‘தகவு’ நாற்பத்தாறாம் இதழ் உங்கள் கண்முன் பரந்து விரிந்திருக்கிறது.

தமிழ் எழுத்துலகின் மதிப்புமிக்க `படைப்பு இலக்கிய விருது 2021` பெற்ற எழுத்தாளர்கள் ராம் தங்கம், சீனிவாசன் நடராஜன், கவிஞர்கள் இரா.பூபாலன், ஆண்டன் பெனி, தேவசீமா ஆகியோரின் நேர்காணல் இவ்இதழில் வெளியாகியுள்ளது. தம் தகுதியால் தம்மை நிலைநிறுத்திக்கொண்ட இப்படைப்பாளிகள் உலகியல் அறிவு, கற்பனை வளம், ஈர்த்துவிடும் எழுத்து வல்லமை எனப் படைப்புத்திறன்களை ஒருங்கு பெற்றவர்கள். அவர்தம் படைப்பு குறித்தான முக்கியக் கருத்துக்களை பகிர்ந்துகொண்டதாக இந்நேர்காணல் அமைந்துள்ளது.

முத்தமிழறிஞர் கலைஞர் குறித்த மு.முருகேஷின் கட்டுரை, கொம்பு இசைக்கருவி குறித்த கோ.லீலாவின் கட்டுரை, நிலாகண்ணனின் நூல் விமர்சனம் போன்றன இடம்பெற்றுள்ளன. திரைப்பட விமர்சனங்கள், வாசிப்பனுபவங்களோடு ந.முருகேசபாண்டியனுடனான நேர்காணலின் தொடர்ச்சியும் இடம்பெற்றுள்ளது.

இன்னும் சிறுகதைகள், கட்டுரைகள், தொடர்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.