போர் வன்முறையின் ஆறாத் தழும்புகளை ரத்தமும் சதையுமாக வைக்கும் இக்கதை நான் லீனியர் வகை இடத்தில் வேறு பல உள் கதைகளின் மடிப்புகளுடன் இலங்கைத் தமிழர்களின் பேச்சு வழக்கில் வெகு சரளமாக பிறழ் தன்மையில் எழுதப்பட்டுள்ளது. அந்த உள் கதைகள் பாலியல் சுரண்டல் அதிகாரம் கண்காணிப்பு என்று பேசும்போதே அறம் சித்ரவதை நீதி என்கிற வகைகளில் எழுதப்படுகிற கதைகளிலிருந்து கொடூரம் வலி வாதை என்கிற குணங்களை வாழ்வின் கடும் நெருக்கடியிலிருந்து எடுத்துக் கொண்டு வந்துள்ளது.

இந்த நூற்றாண்டில் எழுதப்பட்டுள்ள இலங்கைத் தமிழர்களின் பெரும்பாலான கதைகளிலிருந்து பெருமளவில் சவாலான வடிவ சோதனையில் தீவிரப்பட்டுள்ள இந்நாவல் யுத்த ரத்த வெறியை அறத்தின் பக்கம் நிறுத்தி தோலுரித்து உப்புக் கண்டம் இட்டுள்ளது.