வணக்கம். படைப்பு  ‘தகவு’ முப்பத்தொன்றாம் மின்னிதழ் உங்கள் கண்முன் பரந்துவிரிந்திருக்கிறது.

அதி நுண்ணுணர்வுடன் சமகாலத்தைப் பதிவு செய்துவரும் கவிஞர் யவனிகா ஸ்ரீராமுடனான பேட்டி இந்த இதழில் வெளியாகியுள்ளது. மிக நுண்ணியதான கார்த்திக் திலகனின் கேள்விகள் எப்போதும் ஆழ்ந்த பதில்களுக்கு வலைவீசிக் காத்துநிற்பன. இந்த நேர்காணலில் தனது மிகப் பரந்த இலக்கிய அனுபவத்தினால்  அந்தக் காத்திருத்தலுக்குச் சிறந்த பரிசெனப் பதில்களை அளித்திருக்கிறார் யவனிகா. அவரது கவிதைகள் எழுப்புவதற்கு இணையான ரசிப்புணர்வினை இந்தப் பதில்களின்வழி நமக்குள் நிகழ்த்திவிடுகிறார். அன்னா ஸ்விர் கவிதைகள் பற்றிய கவிஞர் விக்ரமாதித்யன் நம்பியின் கட்டுரை இதழில் இடம்பெற்றுள்ளது. சமகாலக் கவிஞர்களிடம் மௌனன் யாத்ரிகா கவிதையியல் குறித்துக் கேட்ட வினாக்களும் பதில்களும் கற்பதுவே.. கேட்பதுவே..! என்ற தொடராக இவ்இதழ் முதல் வெளிவருகிறது.

இன்னும் சிறுகதைகள், கட்டுரைகள், தொடர்கள், அனுபவங்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.