படைப்பு ‘தகவு’ பதினான்காம் மின்னிதழ் உங்கள் கண்முன் விரிந்துபரந்திருக்கிறது. தமிழின் அழகியல் எழுத்தாளர் ‘நாஞ்சில் நாடன்’. ‘எழுத்து என்பது வாழ்க்கையைப் புரிந்துகொள்ளும் முயற்சி; என் சுயத்தைத் தேடும் முயற்சி!’ என்ற தீர்க்கத்துடன் எழுதிவரும் நாஞ்சில் நாடனது நேர்காணல் இவ்இதழில் வெளியாகியுள்ளது. கவிக்கோ அப்துல்ரகுமானின் நினைவாக ஆரூர் தமிழ்நாடன் எழுதிய கட்டுரை இடம்பெற்றுள்ளது. இவ்இதழில் புவியை மையங்கொண்டுள்ள ஆதாரப் பிரச்சனையான தண்ணீர்ப் பிரச்சனை குறித்த கவிதைகளும் கட்டுரையும் இடம்பெற்றுள்ளன. சிற்றிதழாளர் சுகனின் மகள் எழுதிய நினைவுகள், கவி கா.மு.ஷெரீஃப் குறித்த அகழ்வும் நிகழ்வும் தொடர் என மிகச் சிறந்த பகுதிகள் இதழில் நிறைந்துள்ளன. இன்னும் சிறுகதைகள், கட்டுரைகள், தொடர்கள், அனுபவங்கள் என உள்ள அனைத்துப் பகுதிகளையும் வாசியுங்கள்.. விவாதியுங்கள்.. பகிருங்கள்.