167   0  

மாண்புமிகு மகளிர் ஆதி சமூகத்தை வழி நடத்தியவள் அடுப்பங்கரைக்குள் தள்ளப்பட்டாள் நாடாண்ட அரசியவள் நடுத்தெருவில் நிறுத்தப்பட்டாள் புலவராய் வாழ்ந்த மகள் புழுதியிலே வீசப்பட்டாள் அறிவு பெற பள்ளி சென்றாள் ஆசான்களின் அத்துமீறல் பணிபுரியும் இடத்திலேயோ பாலியல் சீண்டல்கள் கடவுளரின் சன்னதியில் கட்டாய வன்புணர்வு வெறும் பாலுறுப்புதானாம் அவள் ஆறோ அறுபதோ எப்படியிருந்தாலும் காமம் தலைக்கேறிய வக்கிரக் கண்களால் வன்புணர்வு எங்கேயும் எப்போதும் அவளடைந்த உயரமெல்லாம் பெண்ணானதாலென பொதுவெளியில் பகடிப்பேச்சு அவளை அவமதிக்க நடத்தை கெட்டவளென நாகரிகமில்லாக் குற்றச்சாட்டு கூண்டையும் தூக்கிப் பறக்கிறாள் பூட்டின் சாவியோ ஆணின் கையில் அவள் எப்போதும் இருக்கிறாள் தாயாய் சகோதரியாய் மனைவியாய் மகளாய் ஆண் மட்டும் இருக்கிறான் எப்போதும் ஒரு ஆணாய்