3864   0  

சர்வதேச மகளிர் கவிதை போட்டி 2022 மாண்புமிகு மகளிர் அன்பின் இலக்கணமாய் அகிலத்தில் உயர்ந்த பெண்ணே ஆசைகள் பல உன்னில் கொண்ட மலரே இல்லறம் தன்னை இயல்பாய் நடத்தும் இனியவளே ஈகை பண்பை இடைவிடாது காக்கும் இறைவியே உனக்காய் வாழாது உறவுகளை உயர்த்திய உத்தமியே ஊரார் மெச்ச உலகம் கற்ற ஊமத்தம்பூவே எதையும் தாங்கும் இதயம் கொண்ட ஏந்திழையே ஏக்கத்தோடு தூக்கம் கொள்ளும் அணையா விளக்கே ஐயமின்றி அனைத்தும் சாதித்த அழகிய பைங்கிளியே ஒய்யாரமாய் உலகை ஆளும் ஆதி சக்தியே உன் புகழ் பாட ஓவியமும் உயிர்பெறுமே தடையில்லா அன்பை வழங்கும் தங்கத் தாமரையே நீயில்லாது போனால் அகிலத்தில் உயிர்கள் ஏது மகளாய் தமக்கையாய் தோழியாய் தாரமாய் தாயாய் உயர்ந்து கொண்டே போகும் உந்தன் உறவே அழியாப் புகழ் பெற்ற அன்னைத் தமிழால் அன்பின் வடிவாய் விளங்கும் அவளை போற்றுவோம் அவளால் அவளை அவளுக்காக அவளது அவளே அழகாய் வடித்த அமுத வரிகள் கொண்டே மகளிர் தின வாழ்த்துகளுடன் வணங்குவோம் மகளிரை…. மா.பிரேமா 22.02.2021